मुलुकलाई समृद्ध बनाउन एक जुट हुनै पर्छ : प्रधानमन्त्री ओली
प्रधानमन्त्री केपी शर्मा ओलीले नेपालको विकासका लागि एक जुट हुनु पर्ने बताएका छन् ।
गैह्रआवासीय नेपाल सङ्घ (एआरएन) द्वारा आइतबार आयोजत गैह्रआवासीय नेपाली दिवस र वार्षिक साधारणभाको उद्घाटन सत्रलाई सम्बोधन गर्दै ओलीले विकासका लागि सम्पूर्ण पूर्वाधार तयार भई सकेकाले एक जुट भए अव त्यो सम्भव रहेको बताए ।
प्रधानमन्त्री ओलीले प्रविधि र उपकरण बढ्दो भएकाले मिलेर काम गरेमा मुलुकलाई समृद्ध बनाउनेमा दुईमत नरहेको बताए ।
गैह्रआवासीय नेपाली सङ्घको छविलाई कायम गरी सङ्गठनलाई एकताबद्ध राख्न र ‘राजनीतिक टग अफ वार’ नगर्न आग्रह गर्दै प्रधानमन्त्री ओलीले सरकारको तर्फबाट सङ्घलाई कुनै हस्तक्षेप नहुने भएकाले स्वतन्त्ररुपमा काम गर्न आग्रह समेत गरे ।
साथै त्यस अवसरमा प्रधानमन्त्री ओलीले एनआरएनलाई पहिचान र आवश्यक सुविधान दिन सरकारले कञ्जुस्याईँ नगर्ने पनि स्पष्ट पारे ।
