डा. शशांक कोइराला संयोजक रहेको नेपाली कांग्रेसको १५ औँ महाधिवेशन आयोजक समितिलको ओखलढुंगा जिल्ला संयोजकको जिम्मेवारी बालगोविन्द राजभण्डारीले पाएका छन् ।
केन्द्रीय प्रतिनिधि गोमा केसीको सिफारिसमा संयोजक डा. कोइरालाले नेपाली कांग्रेसका पूराना नेता राजभण्डारीलाई १५ औँ महाधिवेशन गर्नका लागि संयोजकको जिम्मेवारी दिएका हुन् ।
राजभण्डारीले नेपाली कांग्रेसको संगठन निर्माणमा ठूलो योगदान पु¥याए पनि अहिलेसम्म कुनै अवसर नपाएका नेतामा पर्दछन् ।
बिशेष महाधिवेशनबाट बनेको गगन थापा नेतृत्वको काग्रेसले महाधिवेशन अन्तरगत वडा अधिवेशन सम्पन्न गर्दा डा. कोइराला पक्षले पनि समान्तर महाधिवेशनको तयारी तिव्र पार्न थालेका छन् ।
सोही क्रम अन्तरगत जिल्ला तथा प्रदेशमा अधिवेशन सम्पन्न गर्ने गरी नेताहरुलाई जिम्मा दिइएको छ ।
निवर्तमान प्रधानमन्त्री शेरवहादुर देउवा पक्षको यो समितिले मङ्सिर २१, २२ र २३ गते केन्द्रीय महाधिवेशन गर्ने गरी यहि असोज १५ गते वडा अधिवेशनको तयारी गरेको छ ।
न्यूज समय
७ आश्विन, २०८३, बुधबार १४:१७