सि.एस.साउदको नयाँ गीत “जेलको ढोका खोल न रविदाई” सार्वजनिक
गायक एवं गीतकार सि.एस.साउदले “जेलको ढोका खोलन रवि दाई” बोलको नयाँ गीत बजारमा ल्याएका छन् ।
गायक साउदको आफ्नै शव्द, संगीत तथा स्वरमा रहेको गीतले भ्रष्टाचार एवं विसंगतिलाई डन्डा लगाउनु पर्ने सन्देश दिएको छ ।
यस अघि गायिका एलिना चौहान र आफ्नै स्वरमा “मन्दिरमा घन्टा बजाउने” बोलको गीत नेपाली सांगितीक श्रोतालाई दिएका साउदले सोहि गीतकै एरेन्जमा नयाँ शव्द थपेर आफ्नै एकल स्वरमा “जेलको ढोका खोल न रविदाई” गीत सार्वजनिक गरेका हुन् ।
साउदको आफ्नै युटुव च्यानलबाट सार्वजनिक गरिएको गीतको भिडियो नायक एवं निर्देशक दिपेन्द्र प्रकाश के.सी.ले निर्माण गरेका हुन भने निर्देशन र मुख्य भुमिकामा स्वयं गायक साउद देखिएका छन् ।
विसंगति प्रति प्रहार गर्न रवि लामिछानेलाई इंकित गरेर निर्माण गरी प्रस्तुत गरिएको गीतको प्रतिकृर्या नेपाली दर्शक स्रोताले कस्तो जनाउने छन् त्यो भने हेर्न बाँकि छ ।
