अलपत्र आयोजनाहरु चाँडै सम्पन्न गराउन रास्वपाले माघ २१ गते देखि दबाब यात्रा गर्दै

राष्ट्रिय स्वतन्त्र पार्टी (रास्वपा) ले सातै प्रदेशमा अलपत्र आयोजनाहरू चाँडै सम्मपन्न गराउने उदेश्यले दबाब यात्रा गर्ने भएको छ ।

नागरिकले सास्ती व्यहोरिरहेका विकास आयोजनाहरुलाई प्राथमिकतामा राखेर प्रतिनिधि सभा सांसदहरूलाई सातै प्रदेशमा तीन वटाका दरले विभिन्न आयोजनाहरुमा दबाब दिन जिम्मेवारी तोकिएको रास्वपाले जनाएको छ ।

यहि माघ २१ गते देखि दवाव पैदल यात्रालाई रास्वपाका सभापति रवि लामिछानेले सुरुवात गर्ने कार्यक्रम रहेको पनि बताईएको छ ।

यो यात्राको पहिलो दिन सभापति रवि लामिछाने मेलम्ची खानेपानी आयोजनामा दबाब यात्रामा सहभागि रहने छन् ।
त्यस्तै सभापति लामिछाने सहितको टोलिले नारायणगढ–पुल्चोक–गोन्द्राङ सडकमा पनि दबाब यात्रा गर्नेछन् कार्यक्रम तय भएको छ ।

त्यस्तै पार्टीका उपसभापति डिपी अर्यालले काठमाडौं–मधेस द्रुतमार्ग र अर्का उपसभापति स्वर्णिम वाग्लेले घुमाउने पुल र सडक स्तरउन्नती योजनामा दबाब यात्रा गर्ने रास्वपाले जनाएको छ ।

यस अघि रास्वपाले गत पुस ९ देखि ११ गतेसम्म नारायणगढ–बुटवल ११३ किमी सडकमा दबाब यात्रा गरिसकेको छ ।