संसद विघटन मुलुक र लोकतन्त्रलाई अस्थिरता र संकटतर्फ धकेल्ने गैरलोकतान्त्रिक कदम : रामचन्द्र पौडल
नेपाली कांग्रेसका वरिष्ठ नेता रामचन्द्र पौडेलले मन्त्रिपरिषदबाट सिफारिश भएको संसद विघटन राष्ट्रपतिले स्वीकार गर्न नहुने बताएका छन् ।
नेता पौडेलले संसद विघटन संविधान विपरीत भएको भन्दै लोकतन्त्रको मर्मविपरीतको साथै राष्ट्रहित विपरीत सिफारिश फिर्ता लिन माग गरेका छन् । उनले अहिलेको संविधानमा संसद विघटन गर्न मिल्ने प्रावधान नै नभएकाले राष्ट्रपतिले यसलाई स्वीकार गर्नु नहुने बताए ।
नेता पौडेलले मुलुक र लोकतन्त्रलाई अस्थिरता र संकटतर्फ धकेल्ने गैरलोकतान्त्रिक कदमको भर्त्सना गरेका छन् ।
