राष्ट्रिय सभा निर्वाचनको आचार संहिता आज राति १२ बजेबाट लागु हुँदै
- २ माघ, २०८०
- मुख्य समाचार
- न्यूज समय
माघ ११ गते हुने राष्ट्रिय सभा निर्वाचनको आचार संहिता आज राति १२ बजेबाट लागु हुँदैछ । आचार संहिता अनुसार निर्वाचन आयोगको अनुमति लिएर मात्रै नेपाल सरकार वा प्रदेश सरकारको मन्त्री/स्थानीय कार्यपालिकाका पदाधिकारीहरु निर्वाचन प्रचार प्रसारमा जान पाउने छन् ।
तर प्रचारमा जाँदा सरकारी स्रोत र साधनको प्रयोग गर्न भने नपाईने निर्वाचन आयोगले जारी गरेको आचार संहिता सूचनामा उल्लेख छ ।
त्यस्तै आयोगले निर्वाचनलाई प्रतिकूल प्रभाव पार्ने खालका गतिविधी तथा विद्युतीय सामग्री उत्पादन गर्न वा सामाजिक सञ्जालमा प्रकाशन गर्न, अरूले प्रकाशन गरेका सामग्री सेयर गर्न लगाएतका कुराहरुमा आचार संहिताले रोक लगाएको छ ।
राष्ट्रिय सभामा रिक्त हुनलागेको १९ सिटकालागि निर्वाचन आयोगले यहि माघ ११ गते विहान ९ बजे देखि दिउँसो ३ बजे सम्म मतदान गराउँदै छ ।
६ बर्षे कार्यकाल पुरा गरेर विदा हुन लागेका राष्ट्रिय सभा सदस्यहरुको रिक्त स्थानमा आयोगले निर्वाचन गराउन लागेको हो ।
राष्ट्रिय सभा निर्वाचनमा प्रदेश सभा सदस्य, नगरपालिकाका मेयर उपमेयर तथा गाउँपालिकाका अध्यक्ष उपाध्यक्षले मात्र मतदान गर्न पाउने व्यवस्था छ ।
