चितवन राष्ट्रिय निकुञ्जमा एक सिंगे गैंडा र एउटा पाटे बाघ मृत भेटियो
चितवन राष्ट्रिय निकुञ्जको मध्यवर्ती क्षेत्रमा एउटा पाटे बाघ र एक सिंगे गैंडा मृत अवस्थामा फेला परेका छन् ।
चितवन राष्ट्रिय निकुञ्जका अनुसार निकुञ्ज कार्यालय र नेपाली सेनाको नयाँ गोरख गणको संयुक्त गस्ती टोलीले नवलपारीको कावासोतीको मध्यवर्ती क्षेत्रमा एक सिंगे गैडा र कोर क्षेत्र भिमपुरमा एउटा पाटे बाघ मृत फेला परेको छ ।
गैंडाको खाग र खुर सुरक्षित रहेको तथा कतै चोटपटक नदेखिएकोले प्राकृतिक कारणले गैडा मरेको हुन सक्ने निकुञ्जको अनुमान छ ।
मृत बाघ र गैडाको पोष्टमाटम गरे पछि मृत्युको कारण खुल्ने पनि निकुञ्जका संरक्षण अधिकृत गणेश प्रसाद तिवारीले बताए ।
