पशुपति सिरामिक्स प्रा.लि.को टायल नेपाली बजारमा पठाउने अन्तिम तैयारी
सरकारले नेपालमा तेस्रो लगानी शिखर सम्मेल आयोजना गर्दै गर्दा भारतीय टायल उत्पादन कम्पनीको मुख्य लगानीमा नेपालमा ठुलो टायल उद्योग संचालनमा आएको छ ।
नेपालको तर्फबाट पशुपति सिरामिक्स प्रा.लि को सहकार्यमा बारा जिल्लाको सिमरामा संचालनमा आएको यो टायल उद्योग नेपालकै ठुलो टायल उत्पादन उद्योगका रुपमा मानिएको छ ।
झण्डै २ अर्व रुपैयाँको लगानिमा संचालनमा आएको यस पशुपति सिरामिक्स प्रा.लि.द्वारा उत्पादित टायल नेपाली बजारमा पठाउने अन्तिम गृहकार्य भईरहेको कम्पनीका मार्केटिङ तथा सेल्स डाईरेक्टर सन्नी निमाभटले जनाकारी दिए ।
सिमराको विशेष आर्थिक क्षेत्र प्राधिकरण सिमरा ‘सेज’ मा करिव तेह्र महिना अघि देखि उद्योग निर्माण सुरु गरिएको यस प्रा.लि.ले झण्डै २०० जना मजदुरलाई रोजगारी दिएको छ ।
२५ बर्षको लामो अनुभव संगालेको भारतीय टायल उद्योगको लगानीमा संचालनमा आएको यो उद्योगले दैनिक १० हजार बक्स टायल उत्पादन गर्न सक्छ ।
नेपालमा संचालनमा रहेका टायल उद्योग मध्य यस प्रा.लि.ले उत्पादन गर्न लागेको क्षमता सवै भन्दा धेरै मानिएको छ ।
नेपाली बजार लगाएत भारतको विहार, उत्तर प्रदेश, भुटान तथा बंगलादेशलाई समेत निर्यात गर्ने लक्ष्य र योजनाका साथ आगाडी आएको यस टायल उद्योगले केहि महिना भित्रै नेपाली बजारमा आफ्नो उत्पादन दिने समेत मार्केटिङ तथा सेल्स डाईरेक्टर निमाभटको भनाइ छ ।
नेपाली कच्चा पदार्थबाट निर्माण गरिएको यो टायल अत्यन्त राम्रो, बलियो, आर्कषक डिजाईनमा रहेको समेत दमकका टायल व्यवसायी गोरक्ष ट्रेडर्सका प्रोप्राईटर बलदेब योगीले भनाई छ ।
नेपालमा यसरी बिदेशी लगानी तथा स्वदेशी कच्चा पदार्थको प्रयोग र नेपाली दाजु भाईले उद्योगमा रोजगार पाउनु भनेको अत्यन्त सकारात्क र स्वागत योग्य रहेको समेत व्यवसायी योगीले बताए ।
पशुपति सिरामिक्सले उत्पादन गरेको टायल आकर्षक डिजाईन तथा गुणस्तरीय रहेकोले पनि आम नेपाली घर निर्माण कर्ताको मन जित्ने र रोजाइमा पर्ने आफुहरुको बिश्वास समेत रहेको टायल उद्योग कम्पनीको दावी छ । ।
