सङ्घीय अस्पतालका बिग्रिएका स्वास्थ्य उपकरणको मर्मत राष्ट्रिय आविष्कार केन्द्रले गर्ने
- ५ भाद्र, २०८१, बुधबार १४:२१
- मुख्य समाचार
- न्यूज समय
सङ्घीय अस्पतालका बिग्रिएका स्वास्थ्य उपकरण मर्मतको जिम्मा राष्ट्रिय आविष्कार केन्द्रले पाएको छ ।
स्वास्थ्य तथा जनसंख्यामन्त्री प्रदीप पौडेलको उपस्थितिमा बुधवार मन्त्रालय र केन्द्रबिच सहमति पत्रमा भएको हस्ताक्षर संगै आविष्कार केन्द्रले अव सङ्घीय अस्पतालका बिग्रिएका स्वास्थ्य उपकरणको मर्मत गर्ने छ ।
अस्पतालहरुमा खेर गइरहेका उपकरण मर्मत गर्नका लागि सघाउन मन्त्री पौडेलले पुनलाई गरेको आग्रह बमोजिम अस्पतालहरुका उपकरण ममर्त गर्न आविष्कार केन्द्र राजी भएको हो ।
मन्त्रालयको तर्फबाट गुणस्तर मापन तथा नियमन महाशाखा प्रमुख डा मदन उपाध्याय र केन्द्रका अध्यक्ष महावीर पुनले सम्झौतामा हस्ताक्षर गरेका छन् ।
त्यस अवसरमा बोल्दै स्वास्थ्य तथा जनसंख्या मन्त्री प्रदिप पौडेलले अस्पतालमा मर्मत अभावमा उपयोगमा आउन नसकेका उपकरणलाई केन्द्रको सहयोगमा मर्मतपछि उपचार सेवामा सहजता आउनेमा आफु विश्वस्त रहेको बताए ।
यस अघि कोभिड -१९ को समयमा पनि आविष्कार केन्द्रले विभिन्न अस्पतालहरुमा विग्रिएका भेन्टिलेटरहरु मर्मत गरेर सहयोग गरेका थियो ।
