कांग्रेस केन्द्रीय समितिको बैठक आज चौथो दिन पनि
नेपाली कांग्रेसको केन्द्रीय समिति बैठकको आज चौथो दिन ११ बजे पार्टी केन्द्रीय कार्यालय सानेपामा बस्दैछ । मंगलबारदेखि जारी बैठकमा केन्द्रीय सदस्यहरूले आफ्नो धारणा राखिरहेका छन् ।
बिहीबार ३५ जना केन्द्रीय सदस्यहरूले बोलेका थिए । आज बाँकी सदस्यहरूले आज पनि आफ्ना कुरा राख्ने कांग्रेसले जनाएको छ ।
एक वर्षपछि राखिएको केन्द्रीय समिति बैठकमा कांग्रेस नेताबीच गरमागरम बहस भइरहेको छ । अधिकांशले पार्टी संरचनालाई चुस्त बनाउनुपर्ने नेतृत्वलाई सुझाव दिएका छन् । गठबन्धन पक्षरविपक्षमा पनि मिश्रित प्रतिक्रिया आएका छन् । कांग्रेस बैठक लाइभको व्यवस्था मिलाइएको छ ।
