आउँदो चुनवमा काँग्रेस कसैसंग तालमेल नगरी एक्लै चुनावमा होमिन्छ : महामन्त्री थापा

नेपाली कांग्रेसका महामन्त्री गगनकुमार थापाले आगामी चुनावमा काँग्रेस एक्लै मैदानमा उत्रने बताएका छन् ।
कांग्रेस मकवानपुर प्रतिनिधि सभा क्षेत्र नं. २ र प्रदेश सभा –२ को संयुक्त आयोजनामा सोमबार हेटौँडामा भएको क्षेत्रीय सम्मेलनलाई सम्बोधन गर्दै महामन्त्री थापाले अव काँग्रेस कुनै पार्टी संग तलमेल नगरी एक्लै चुनावमा होमिने बताएका हुन् ।
नेपाली काँग्रेस सिद्धान्त र विचार बोकेको पार्टी भएकाले पनि नेपाल र नेपाली जनताका मुद्धामा कसै संग सम्झौता नगर्ने महामन्त्री थापाले उद्घोष गरे ।
गएको चुनावमा गठबन्धन गर्दा पार्टीप्रतिको विश्वास डगमगाउने अवस्था आएको भन्दै नेता थापाले आम नागरिकमा राजनीतिप्रति वितृष्णा, आत्मविश्वास र आशा गुमाइरहेको यो अवस्थामा आफ्नो पार्टीले जनताको भावनामा आँच नआउने गरी काम गर्ने प्रतिवद्धता जनाए ।