चितवनमा काँग्रेसका उमेदवार श्रेष्ठको गाडि माथि तोडफोड
चितवनको भरतपुरमा चुनाव प्रचार प्रसारमा हिडेका नेपाली काँग्रेसका उम्मेदवार उमेश श्रेष्ठको गाडिमा तोडफोड भएको छ ।
चितवन क्षेत्र न. २ बाट उमेदवर रहेका श्रेष्ठको बा ३ च २०५० नम्बरको गाडिमा मोटरसाईकलबाट आएका समुहले तोडफोड गरेको प्रहरीले जनाएको छ ।
बुधबार बिहान ३ वटा मोटरसाईकलमा चढेर आएका ५ जनाको समुहले भरतपुर महानगरपालिका वडा नं. १० पुरानो मेडिकल कलेज अगाडि श्रेष्ठ चढ्ने गाडीको सिसा फुटाएर भागेका हुन् ।
तोडफोडमा संलग्नको पहिचाहन नखुलेको र खोजिकार्य भईरहेको चितवन प्रहरीले जनाएको छ ।
