नेपाल-भारत वीच रहेको सीमा समस्या चाँडै समाधान हुन्छ : परराष्ट्रमन्त्री साउद
- १५ माघ, २०८०
- मुख्य समाचार
- न्यूज समय
परराष्ट्रमन्त्री एनपी साउदले नेपाल-भारत वीच रहेको सीमा समस्या चाँडै समाधान हुने बताएका छन् ।
भारतको ७५ औं गणतन्त्र दिवसको अवसरमा काठमाडौंमा आयोजित कार्यक्रमलाई सोमबार सम्बोधन गर्दै मन्त्री साउदले त्यस्तो बताएका हुन् ।
सरकारले नेपाल-भारत सीमामा भएका समस्या चाँडै समाधान गर्न गम्भिर भई कूटनीतिक पहल सुरू भइसकेको समेत जानकारी दिए ।
प्रधानमन्त्री पुष्पकमल दाहाल भारत भ्रमणमा गएका बेला भारतीय समकक्षी नरेन्द्र मोदीसँग सीमा समस्याका बारेमा भएको सहमतिअनुसार दुई देशको सिमा समस्या समाधानको पहल अघि बढाइएको मन्त्री साउदको भनाई थियो ।
केहि समय अघि भारतका विदेशमन्त्री एस जयशंकरले पनि नेपाल भ्रमणमा आएका बेला दुई देश वीचको सीमा समस्या समाधानका लागि भारत सकारात्क रहेको र त्यो चाँडै अगाडी बढाउन आफुले पनि पहल गर्ने प्रतिबद्धता जनाएका थिए ।
