news samaya Logo
 |  20 June 2021,Sunday
Ad

देशभर बदली, वर्षा र हिमपातको सम्भावना

  • २० पुष २०७७, सोमबार
  • समाज

देशभरको मौसम सोमबार बदली हुने र वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

पश्चिमी वायुको प्रभावका कारण देशभर बदली भएको हो । यस्तै सोमबार बिहानदेखि काठमाडौँ उपत्यकासहित देशभरका अधिकांश पहाडी क्षेत्रमा छिटफुट वर्षा भएको मौसमविद समिर श्रेष्ठले जानकारी दिए ।

उनले भने, ‘यो हिउँदको पानी पर्न थालेको छ । सोमबार बिहान केहीबेर काठमाडौँ उपत्यकासहित देशभरका पहाडी क्षेत्रमा छिटफुट वर्षा भयो । दिनभर पनि पानी पर्ने सम्भावना छ ।’

अहिले देशभर सामान्य बदली रहेको छ।

सोमबार दिउँसो देशभर सामान्य बदली रही सुदूरपश्चिम प्रदेश, कर्णाली प्रदेश, गण्डकी प्रदेश, बागमती प्रदेश र प्रदेश १ का उच्च पहाडी तथा हिमाली भू(भागमा हल्कादेखि मध्यम हिमपातको सम्भावना छ ।

यस्तै सुदूरपश्चिम प्रदेश, कर्णाली प्रदेश, गण्डकी प्रदेशका भू–भागका केही स्थान तथा लुम्बिनी, बागमती र प्रदेश १ को भू–भागका थोरै स्थानमा हल्का वर्षाको सम्भावना रहेको छ।

यसैगरि राति देशभर सामान्य बदली रही उच्च पहाडी तथा हिमाली भू–भागमा हल्कादेखि मध्यम हिमपातको साथै सुदूरपश्चिम प्रदेश, कर्णाली प्रदेश र गण्डकी प्रदेशका भू–भागहरुका केहि स्थानहरु तथा लुम्बिनी, बागमती र प्रदेश १ का थोरै स्थानहरुमा हल्का वर्षाको सम्भावना छ।

यसैबिच देशका उच्च पहाडी र हिमाली भू–भागका केहि स्थानहरुमा हल्कादेखि मध्यम हिमपात र पहाडि भू–भागका थोरै स्थानहरुमा हल्का वर्षा हुने सम्भावना रहेकाले पर्वतारोहण तथा यात्रा गर्दा सावधानी अपनाउन मौसमविदले आग्रह गरेका छन् ।

यस्तै बदली, वर्षा र हिमपातका कारण अधिकतम र न्यूनतम तापक्रममा केहि गिरावट आई देशैभरि चिसो बढ्ने संभावना रहेकोले चिसोबाट बच्न सजग रहन सबैमा आग्रह पनि गरेका छन् ।

सेयर गर्नुहोस ।

← पहिलो समाचार || अर्को समाचार →

आफ्नो प्रतिक्रिया दिनुहोस

तपाइको ईमेल प्रकासित गरिदैन।ईमेल अनिवार्य छ।


*
*

shares