अविरल वर्षासँगै गएको पहिरोले पुरिएर अर्घाखाँचीको पाणिनी गाउँपालिका वडा नं. १ गोवनपानीमा तीनको मृत्यु भएको छ । उनीहरुको घर पहिरोले पुरिँदा मृत्यु भएको हो ।
स्थानीय गंगा रास्कोटीको घरमाथि पहिरो खस्दा घरभित्र रहेका ३ जनाको मृत्यु भएको अर्घाखाँची प्रहरीले जनाएको छ ।
मंगलबार बिहान ८ बजेतिरको समयमा पहिरो खसेर घर पुरेको हो। घटनाको जानकारी पाएलगत्तै प्रहरी चौकी खिदिमको टोली घटनास्थल पुगेको थियो ।
प्रहरीका अनुसार पहिरोले पुरिएका सचिन रास्कोटी भने घाइते छन् । अन्यलाई गम्भीर अवस्थामा पहिरोबाट निकालिएको थियो । तर उनीहरु तीन जनाको भने केहीबेरमै ज्यान गएको हो ।
न्यूज समय
१९ असार, २०८०, मंगलबार ००:००