प्रधानमन्त्रीले बोलाएको सर्वदलिय बैठक आज, संसद बैठक राख्न विपक्षी दलले माग गर्ने
प्रधानमन्त्री केपी ओलीले मंगलबारका लागि सघीय संसद्मा प्रतिनिधित्व गर्ने राष्ट्रिय दलको सर्वदलीय बैठक आह्वान गरेका छन् । प्रधानमन्त्री निवास बालुवाटारमा बिहान ११ बजे डाकिएको बैठकमा ती दलका प्रमुख तथा प्रतिनिधिको सहभागिता रहनेछ । प्रधानमन्त्रीले पछिल्लो राजनीतिक अवस्थाबारे छलफल गर्न बैठक बोलाएका हुन ।
देशमा कोरोना संक्रमणको मार खेपिरहेको छ भने अर्कातिर राजावादीहरुले आन्दोलन चर्काइरहेका छन् । केही समययता राजावादीहरूले देशका विभिन्न ठाउँमा आन्दोलन गरिरहेका छन् । सत्तारुढ नेकपाभित्र पनि विवाद चर्कंदो छ । अध्यक्षद्वय ओली र पुष्पकमल दाहालको फरक(फरक राजनीतिक प्रस्ताव सचिवालयमा नटुंगिएपछि स्थायी कमिटीमा पुगेको छ । पटक(पटक सचिवालय बैठक छलेका प्रधानमन्त्री ओलीले आइतबार बसेको स्थायी कमिटी पनि छलेका थिए ।
यता प्रमुख प्रतिपक्ष नेपाली कांग्रेसको अन्य प्रतिपक्ष दलको सहयोगमा सरकारका असफलताका बारेमा कडा रुपमा सर्वदलिय बैठकमा उठाउने तयारी गरेको छ । प्रमुख प्रतिपक्षी कांग्रेसले मंसिर २९ गते सरकारविरुद्ध ७७ वटै जिल्लाहरुमा विरोध प्रदर्शनको निर्णय गरिसकेको छ । साथै कांग्रेसले मंसिर १७ गते तनहुँमा नेपाली कांग्रेसका वरिष्ठ नेता रामचन्द्र पौडेलमाथि सरकारले गरेको दुब्र्यवहारमा विषयमा प्रधानमन्त्रीले माफी माग्नुपर्ने माग पनि राख्नेछ ।
साथै कोरोनाको नियन्त्रण र उपचारमा सरकारले देखाएको उदासिनता र अकर्मण्यता तथा स्वास्थ सामग्री खरिदमा गरिएको भ्रष्टाचारदेखि अनेकौं भ्रष्टाचार काण्ड र बेथिति बढ्दै जाँदा राजावादी समुहहरुलाई बल पुगेको निष्कर्ष पनि कांग्रेस लगायतका प्रतिपक्ष दलको छ । साथै कांग्रेस लगायका दलहरुले यी सवै विषयको छलफल गर्ने बैधानिक थलो संसदलाई सरकारले बन्धक बनाएको भन्दै तत्काल संसदको बैठक बोलाउन माग गर्ने बताइएको छ ।
