नयाँ प्रधानन्यायाधीशमा डा मनोज शर्माको नियुक्तिसँगै वरिष्ठतम् न्यायाधीश सपना मल्ल प्रधानले २० दिन बिदा माग गर्दै निवेदन दिएकी छन् । कायममुकायम प्रधानन्यायाधीश खोसिएपछि उनले आज (जेठ६ गते) देखि नै लागू हुने गरी बिदाका लागि निवेदन छोडेकी हुन् ।
वरिष्ठताका आधारमा प्रधानन्यायाधीश बन्ने आशा रहेकी प्रधान संवैधानिक परिषदले शर्मालाई सिफारिस गरेयता असन्तुष्ट छिन् । उनी नयाँ प्रधानन्यायाधीशको शपथ र पदभार ग्रहण कार्यक्रममा पनि सहभागि भइनन् ।
यद्यपि, उनले राजीनामा दिएर हिँड्ने मनस्थिति नबनाएको स्रोत बताउँछ । उनीसँगै वरिष्ठतामा शर्माभन्दा अगाडि रहेका कुमार रेग्मी र हरि फुयाँलले पनि राजीनामा नदिने सम्भावना देखिएको छ ।
न्यूज समय
६ जेष्ठ, २०८३, बुधबार ००:००