फेयर एक्सप्रेस मासिकले आयोजना गरेको ‘फेयर ईन्टर्रनेशनल एजुकेशनल अर्वाड २०२५’ द्वारा काठमाडौँ तिनकुनेमा रहेको भिएस निकेतन माध्यमिक विद्यालय पुरस्कृत भएको छ । सो विद्यालयले शैक्षिक तथा अतिरिक्त क्रियाकलापमा उत्कृष्ट भइ अर्वाड प्राप्त गरेको हो । शिक्षाविद् स्वर्गीय डा.बाबुराम पोखरेलद्वारा वि सं २०३८ मा स्थापित भिएस निकेतनमा नर्सरीदेखि विज्ञान तथा व्यवस्थापन संकाय अन्तर्गतका विषय अध्यापन हुन्छ ।
अहिले भिएस निकेतनमा कक्षा ११ र १२ मा प्रत्येक वर्ष १ हजार भन्दा बढी विद्यार्थी भर्ना हुने गरेका विद्यालयको रेकर्डमा पाइन्छ । राष्ट्रिय परीक्षा बोर्डले लिएको पछिल्लो ३ वर्षको परीक्षामा भिएस निकेतनका ९८ प्रतिशत विद्यार्थी उत्तीर्ण गर्न सफल भएको पाइन्छ । यस विद्यालयमा कार्यरत शिक्षक कर्मचारीको संख्या १३० जना रहेको छ । २ हजार जना विद्यार्थी आरामदायी रुपमा बस्न र खेल्न मिल्ने क्षेत्रफलमा भिएस निकेतन रहेको छ ।
यस विद्यालयमा विज्ञान तथा सूचना प्रविधि प्रयोगशाला उपलब्ध हुनुको साथै प्रविधि मैत्री कक्षा कोठा, चमेना गृह र यातायात सहितको सुविधा उपलब्ध छन् । भिएस निकेतनले विज्ञान समुह पढ्ने विद्यार्थीले बनाएको रोबोर्ट सहित विभिन्न प्रतियोगितामा प्रथम स्थान हासिल गर्न सफल भएको थियो । भिएस निकेतनले विद्यार्थीका लागि सिनियर डिभिजन क्याडेड तालिम, कम्प्युटर सफ्टवेयर लगायत रोर्वट निर्माण गर्ने तालिम सञ्चालन गर्दै आएको छ ।
भिएस निकेतनले वि सं २०६५ सालमा ‘राष्ट्रको उत्कृष्ट विद्यालय’ को उपाधी सहित राष्ट्र ढाल र झण्डा प्राप्त गरेको थियो । भिएसमा अध्ययन गरेका विद्यार्थीहरु नेपाल साथै विदेशमा चिकित्सा, इन्जिनियरिङ, बैंकिङ र प्रशासकीय पदहरूमा कार्यरत छन् । विद्यार्थीहरुको चौतर्फी विकासकोे लागि आवश्यक सबै पूर्वाधारहरू उपलब्ध रहेको भिएस निकेतनले गौरवशाली शैक्षिक इतिहास रचेको छ । नेपालको अग्रणी शैक्षिक संस्थाहरू मध्येकोे एक भिएस निकेतनले विद्यार्थीहरूलाई २१ औँ शताब्दीको विश्वव्यापी चुनौतीहरू पूरा गर्न आवश्यक पर्ने सबै पूर्वाधार सहितको गुणस्तरीय शिक्षा प्रदान गर्दे आएको छ । यस विद्यालयले शिक्षक तथा विद्यार्थीहरुलाई शैक्षिक विषय सम्बन्धी तालिमहरु प्रदान गर्छ ।
न्यूज समय
१८ चैत्र, २०८१, सोमबार ००:००