चलचित्र ‘अभिमन्यू’मा नायिका गौमाया गुरुङ अनुबन्धित

चलचित्र ‘अभिमन्यू’मा नायिका गौमाया गुरुङ अनुबन्धित भएकी छिन् । फिल्मका निर्माता विनोद पौडेलले गौमायालाई फिल्ममा पहिलो कलाकारको रुपमा अनुबन्धित गरिएको हो । गौमाया अभिनित पछिल्लो रिलिज फिल्म ‘राजागंज’ हो । निर्माताले यो फिल्मलाई आउँदो वर्षको भदौ २७ गतेबाट रिलिज गर्ने घोषणा समेत गरिसकेका छन् ।

यो फिल्मले चक्रव्यूह र पैसाबीचको संघर्षलाई प्रस्तुत गर्ने निर्माताले जनाएका छन् । पैसाको लोभमा चक्रव्यूमा फस्ने र त्यहाँबाट उम्किन खोज्ने पात्रको कथालाई फिल्मले देखाउने निर्माणपक्षले बताएको छ । वितरण कम्पनी सेभेन सिज सिनेमाले निर्माण गर्ने बताइएको फिल्मलाई सुशान्त गौतमले निर्देशन गर्नेछन् ।

फिल्मलाई विश्वभर नेपाली र हिन्दी भाषामा रिलिज गरिने छ । सेभेन सिज सिनेमाको प्रस्तुतिमा निर्माण हुन लागेको यो फिल्मलाई सुशान्त गौतमले निर्देशन गर्दैछन् । मुकेश खनालको लेखन रहेको फिल्ममा शरद महत्तोको डीओपी रहनेछ । विनोद पौडेल र गुन्जन गिरीको लगानी रहने फिल्ममा रमेश चौलागाईं र हरि श्रेष्ठ सह–निर्माताको रुपमा छन् ।