नागढुंगा नौविसे सडक अबरुद्ध, लगातार पहिरोका कारण सडक खुलाउन समस्या
- ५ भाद्र, २०८१, बुधबार १४:०१
- मुख्य समाचार
- न्यूज समय
नागढुंगा चेकप्वाईट देखि झण्डै ३ सय मिटर पर पहिरो खस्दा नागढुंगा नौविसे सडक खण्ड अवरुद्ध भएको छ ।
अविरल बर्षाका कारण बुधबार बिहान झण्डै पौने ११ बजे नागढुंगास्थित चेकपोइन्टबाट ३ सय मिटर पर पहिरो खसेर दुई तर्फी सडक अवरूद्ध भएको प्रहरीले जनाएको छ ।
प्रहरी प्रभाग नागढुंगाका अनुसार अविरल पानी परिरहेको र पहिरो खस्नेक्रम नरोकिएकोले पहिरो पन्छाई बाटो खुलाउन समस्या परेको छ ।
त्यस सडक खण्डको दुवै तर्फ अहिले सवारी साधन लाम लागेका छन् ।
पहिरो खस्न रोकिए पछि पहिरो पन्छाउने र वाटो खेल्नेकाम गरिने पनि प्रहरी प्रभाग नागढुंगाका प्रहरी निरिक्षक हेम थपलियाले बताए ।
