ठमेल र दरबारमार्ग क्षेत्र २४ सै घण्टा खुल्ला हुँदै
- १३ चैत्र, २०८०, मंगलवार ०८:०४
- मुख्य समाचार
- न्यूज समय
काठमाडौंको प्रमुख पर्यटकिय व्यापारिक केन्द्र रुपमा चिनिएको ठमेल र दरबारमार्ग क्षेत्रलाई २४ सै घण्टा खुलाउने बिषयमा छलफल भएको छ ।
उपप्रधान एवं गृहमन्त्री रवि लामिछानेले ठमेल र दरबारमार्ग क्षेत्रलाई २४ घण्टा खुलाउन निर्देशन दिए सँगै काठमाडौंका प्रमुख जिल्ला अधिकारी जितेन्द्र बस्नेतले त्यस बारेमा क्षलफल थालेका हुन् ।
प्रमुख जिल्ला अधिकारी बस्नेतले व्यापार व्यवसाय सञ्चालन सम्बन्धी समन्वय बैठकमा सम्बन्धित निकाय र व्यवसायीहरुसँग २४ सै घन्टा उक्त क्षेत्रलाई खुलाउँदा उत्पन्न हुन सक्ने सहज र असज परिस्थीतिका बारेमा क्षलफल गरेका हुन् ।
क्षलफलमा त्यस क्षेत्र २४ सै घन्ट खुलाउन पर्न सक्ने सुरक्षा लागाएत चुनौतिलाई योजना बनाएर कार्यान्वयन गर्ने एवं बजार खुल्दा सर्वसाधारणलाई पर्न सक्ने अप्ठेरोका बिषमा पनि क्षलफल भएको थियो ।
प्रमुख जिल्ला अधिकारी बस्नेतले प्रशासन ठमेल तथा दरवारमार्ग क्षेत्रलाई २४ सै घन्टा खुलाउन अन्तिम तैयारीमा रहेको जानकारी दिदै व्यवसायीहरुले वस्तु तथा सेवामा दिउँसो र रातिको मूल्य फरक बनाउन नपाउने बिषयमा पनि छलफल भएको बताए ।
कोरोना जस्तो महामारीका कारण थलिएको दरवारमार्ग तथा ठमेल क्षेत्रका व्यवसायीहरु भने सरकारको यो निर्णयमा उत्साहीत भएको प्रतिकृया दिएका छन् ।
