दाङको तेल मिलमा भीषण आगलागी, ठूलो क्षति भएको अनुमान
- १६ भाद्र, २०८०
- मुख्य समाचार
- न्यूज समय
तुलसीपुर उपमहानगरपालिका–६ मा सञ्चालित गणपति तेल मिलमा आज मध्यरातमा भीषण आगलागी भएको छ । तेल मिलमा राति झन्डै साढे २ बजेतिर आगो लागेको थियो ।
मिलमा आगो लागेको समाचार प्राप्त भएलगत्तै स्थानीय र प्रहरीले आगालागी नियन्त्रणका लागि पुगेको थियो । पानी ट्यांकरहरुमा ओसारिएको पानीको सहायतामा निभाइएको थियो ।
आगलागी नियन्त्रणका लागि झण्डै २ घण्टा लागेको इलाका प्रहरी कार्यालय तुलसीपुरले जनाएको छ । रातिको समयमा मान्छेहरु सुतिरहेको हुँदा आगो नियन्त्रणमा केही समय लागेको प्रहरीको भनाइ छ ।
आगोले दुईतले पक्की भवन पूर्णरूपमा क्षति पुगेको छ । दाल पिस्ने मेसिन तथा तेल मिसिनमा पनि ठूलो क्षति पुगेको प्रत्यक्षदर्शीले बताए ।
आगलागीबाट डेढ करोड बढीको धनमानल जलेर नष्ट भएको प्रहरीको अनुमान छ । मिलमा आगो विद्युत् सट भएर लागेको हुन सक्ने प्रहरीको भनाइ छ ।
