नेकपा स्थायी समिति बैठक अब पुस १ गते बस्ने
नेकपा स्थायी कमिटी बैठक केन्द्रीय सदस्य कमानसिंह लामाको निधनप्रति शोक प्रस्ताव पारित गर्दै सकिएको छ ।
अर्को बैठक पुस १ गते बस्ने गरि सकिएको नेकपा प्रवक्ता नारायणकाजी श्रेष्ठले जानकारी दिए ।आजको बैठकमा प्रधानमन्त्रीसमेत रहेको अध्यक्ष ओली पनि सहभागी थिए ।
मंसिर २१ गते पार्टी कार्यालय धुम्बाराहीमा बसेको बैठकमा भने ओली सहभागी भएका थिएनन् ।
उनले स्थायी कमिटी बैठकमा अर्का अध्यक्ष पुष्पकमल दाहालको प्रस्तावलाई आरोप पत्र भन्दै उक्त प्रस्तावमाथि छलफल हुन लागेकाले सहभागी हुन नसक्ने व्यहोराको पत्र पठाएका थिए । अर्को बैठक पुस १ गते दिउँसो १ बजेका लागि बोलाइएको छ ।
