माओवादीले भरतपुरको नै मेयर चाहिन्छ भनेको छैन् : पुष्पकमल दाहाल
नेकपा माओवादी केन्द्रका अध्यक्ष पुष्पकमल दाहालले चिबवनको भरतपुर महानगरपालिमा मेयर खोजेको नभई कांग्रेसले दिन खोजेको बताएका छन् । पेरिसडाँडामा आयोजित पत्रकार सम्मेलनमा बोल्दै अध्यक्ष दाहालले ६ वटा महानगरमध्ये एउटा त माओवादीलाई चाहिने बताए ।
उनले भरतपुरको सट्टा काठमाडौं वा विराटनगर महानगरको प्रमुख लिन तयार रहेको बताए । उनले भने–‘माओवादीलाई भरतपुर र रेणु नै चाहिएको होइन । ६ वटा महानगरमध्ये एउटा त माओवादीलाई चाहिन्छ । त्यसमध्ये भरतपुर नै होइन काठमाडौं वा विराटनगर दिए पनि हुन्छ ।’
उनले अघिल्लो स्थानीय तहको निर्वाचनमा भरतपुर माओवादीले जितेकाले कांग्रेसले पनि माओवादीलाई भरतपुर नै छाड्न खोजेको स्पष्ट पारे । उनले पाँच दलको गठबन्धनले औपचारिक निर्णय गरिसकेपछि दलगत असन्तुष्टिले खासै असर नपर्ने पनि बताए ।
दाहालले भने–‘एउटै पार्टीभित्र त आन्तरिक विवाद र असन्तुष्टि हुन्छ भने ५ दल मिल्दा केही असन्तुष्टि हुने नै भयो । अन्तिममा गठबन्धनले औपचारिक निर्णय गरिसकेपछि सबैले संस्थागत निर्णय नै मान्नुपर्छ ।’
