सत्य निरूपण तथा मेलमिलाप आयोगमा झण्डै ६४ हजार उजुरी
सशस्त्र द्वन्द्वकालिन घटनाको सत्य निरूपण तथा मेलमिलाप आयोग मार्फत चाँडै निरुपन गर्ने बहस चलिरहँदा आयोगमा झण्डै ६४ हजर उजुरी परेका छन् ।
सिंहदरबारमा बसेको सङ्घीयता सबलीकरण तथा राष्ट्रिय सरोकार समितिको बैठकमा आयोगमा अहिले सम्म ६३ हजार ७१८ वटा उजुरी परेको बताईएको छ ।
आयोगका सचिव उदयराज सापकोटाले आयोगमा परेका उजुरी बारे बैठकमा जानकारी गराउँदै उजुरीमा घटनाका कारण तथा विषयहरुलाई हेरेर निरुपन तिर अगाडी बढनु पर्ने बताए ।
परेका उजुरी मध्य सवै भन्दा धेरै पाँचहजार ५०२ वटा उजुरी सल्यान जिल्लामा रहेको सचिव सापकोटाले जानकारी दिएका छन् । त्यस्तै कपिलवस्तु र अक्षाममा पनि चारहजार बढी उजुरी परेको उनले बताएका छन् । त्यस्तै एक हजार भन्दा माथि उजुरी परेका जिल्लाहरु १३ वटा रहेको पनि सचिव सापकोटाले जानकारी दिए ।
सचिव सापकोटाले एउटै घटनाका् तथा सामान्य प्रकृतिका उजुरीहरू धेरै भएको जानकारी दिदै आफुहरुले अहिले दुई हजार २६८ उजुरीहरू तामेलीमा राखेको पनि बताए ।
