लिखु तामाकोशी गाउँपालिका पूर्व अध्यक्ष सहित पाँच जना भ्रष्टाचार मुद्दामा दोषी ठहर
विशेष अदालतले रामेछापको लिखु तामाकोशी गाउँपालिका पूर्व अध्यक्ष सहित पाँच जनालाई भ्रष्टाचार मुद्दामा दोषी ठहर गरेको छ ।
दोषी ठहर हुनेहरुमा गाउँपालिकाका पूर्व अध्यक्ष गोविन्द बहादुर खड्का, राजु प्रसाद न्यौपाने, टंकप्रसाद चौलागाई, दुर्गा बहादुर तामाङ र नोर्बु लामा रहेको विशेष अदालत श्रोतले बताएको छ ।
विद्युतीकरण गर्दा भ्रष्टाचार भएको भन्दै अख्तियार दुरुपयोग अनुसन्धान आयोगले २७ जनालाई मुद्दा चलाएकोमा अदालतले पाँच जनालाई मात्र दोषि ठहर गर्दै जरिमाना तथा कैदको फैसला सुनाएको हो ।
पालिकाका पूर्व अध्यक्ष खड्कालाई १ करोड ९९ लाख जरिवाना र ६ महिना कैद सजाय सुनाइएको अदालत श्रोतले बतायो ।
त्यस्तै अदालतले नौपाने र चौलागाईलाई जनही ३ महिना कैद र ६३ लाख जरिवाना तोकेको छ भने तामाङ र लामाको हकमा जनही ३ महिना कैद र ३१ लाख जरिवाना तोकेको छ ।
अख्तियारले मुद्दा चलाएका मध्य २२ जनाले भने सफाई पाएका छन् ।
