अनलाईन मार्फत क्यासिनो खेल खेलाउने ४ जना पक्राउ
प्रहरीले अनलाईन मार्फत क्यासिनो खेल खेलाएको आरोपमा तीन जना प्रकाउ गरेको छ ।
पक्राउ पर्नेमा काठमाडौका विभिन्न स्थानमा बस्दै आएका काभेपलाञ्चोककी २६ वर्षीया सरिता लामा, सिन्धुपाल्चोकी २५ वर्षीया सारङ्गा गुरुङ, खोटाङकी २३ वर्षीया पूर्णिमा राई र नुवाकोटका २८ वर्षीय तेम्बा लामा रहेको प्रहरीले जनाएको छ ।
पक्राउ परेकाहरुबाट प्रहरीले अनलाइन खेल खेलाउन प्रयोग भएका ल्यापटप तथा मोबाइल समेत बरामद गरेको छ ।
उनिहरुले क्यास एप, फायरकर्लिनजस्ता एपमार्फत अनलाइन सट्टाबाजी खेल खेलाउने गरेको भन्दै प्रहरीले पक्राउ गरेको थियो ।
उनिहरुलाई कारवाहीकालागि प्रक्रिया अगाडी बढाईएको समेत प्रहरीले बताएको छ ।
