स्कूल बसको ठक्करबाट एक सशस्त्र प्रहरी जवानको ज्यान गयो

कीर्तिपुरमा इण्डियन मोडर्न स्कूलको बसले ठक्कर दिदा एक जना सशस्त्र प्रहरी जवानको मृत्यु भएको छ ।
मृत्यु हुनेमा सशस्त्र प्रहरी केन्द्रीय कार्यालय हलचोकमा कार्यरत २९ बर्षीय प्रहरी जवान सुवास चन्द्र रतेला रहेको प्रहरीले जनाएको छ ।
मोटरसाईकलमा सवार रतेलालाई कीर्तिपर नगरपालिका वडा ६ स्थित सशस्त्र प्रहरी गण अगाडि बल्खुबाट चोभार गईरहेको ना १ क १६१२ नं को स्कूल बसले ठक्कर दिएको थियो ।
बझाङको जयपृथ्वीबहादुर नगरपालिका कोटेली–५ घर रहेका रतेलाको बल्खु स्थित बयोधा अस्पतालमा उपचारका क्रममा मृत्यु भएको थियो ।
बस चालक मनजित सिंहलाई महानगरीय प्रहरी वृत्त कीर्तिपुरले नियन्त्रणमा लिएको छ ।