सिनामंगलबाट ११ अफगानी नागरिक पक्राउ
- ८ कार्तिक, २०७८, सोमबार ०६:२४
- मुख्य समाचार
- न्यूज समय
काठमाडौंको सिनामंगलबाट ११ जना अफगानी नागरिकलाई प्रहरीले पक्राउ गरेको छ ।
प्रहरीको केन्द्रीय अनुसन्धान ब्युरोले सोमबार बिहान उनीहरु बसेको घरमा छापा हानेर पक्राउ गरेको हो ।
सुनौली नाकाबाट गैरकानुनी रूपमा नेपाल भित्रिएरको सूचना पाए लगतै प्रहरीले उनिहरुको खोजतलास सुरु गरेको थियो ।
सिनामंगलस्थित एक घरमा बसेको अवस्थामा छापा हानेर उनिहरुलाई नियन्त्रणमा लिएको प्रहरीको भनाई छ ।
यो संगै गैरकानुनी रूपमा नेपाल भित्रिने तेस्रो देशका नागरिकमाथि निगरानी बढाउन गृहले दक्षिणतर्फका सबै सीमानाकामा सुरक्षा जाँचलाई कडा बनाउँदै लगेको छ ।
