दाहाल नेपाल जुलुससहित निर्वाचन आयोगमा
नेकपाको पुष्पकमल दाहाल माधव नेपाल समुहले माइतीघरमण्डलमा प्रदर्शन सकेरे सांसद तथा केन्द्रीय सदस्यहरु निर्वाचन आयोगतिर लागेका छन् ।आफूहरु नै आधिकारिक भएको दाबी गर्दै उनीहरुले आजबाट प्रदर्शन थालेका छन् ।
आज विहान साढे नौ बजे माइतीघरमण्डलमा नेकपाका अध्यक्षद्वय पुष्पकमल दाहाल र माधवकुमार नेपाल लगायतका नेताहरु उपस्थितमा प्रदर्शन गरेका थिए ।
बिहीबार सकिएको केन्द्रीय कमिटी बैठकको निर्णय अनुसार पार्टीका केन्द्रीय सदस्य र पार्टीको तर्फबाट विघटित संसदमा रहेका सांसदहरुको उपस्थितिमा १२ बजे निर्वाचन आयोगमा विशेष कार्यक्रम गर्न उनीहरु त्यता प्रस्थान गरेका हुन्।
पार्टीका केन्द्रीय सदस्य र सांसदहरुको उपस्थितिमा गरिने कार्यक्रमको अर्थ पार्टीमा आफूहरु नै आधिकारिक रहेको र प्रतिनिधिसभा विघटित नरहेको सन्देश दिनु रहेको एक नेताले बताए।
