प्यूठानमा कार दुर्घटनामा परि ८ जना घाईते, घाईतेहरुको अवस्था चिन्ताजनक
प्यूठानमा भएको कार दुर्घटनामा परि ८ जनाको घाईते भएका छन् ।
प्यूठानको स्वर्गद्वारी मन्दिरबाट भिंग्री तर्फ फर्कदै गरेको लु १ च ६३४५ नम्बरको कार स्वार्गद्वारी नगरपालिका वडा न.४ भ्यागुते भन्ने स्थानमा दुर्घटना भएको हो ।
कार सडकबाट झण्डै ५० मिटर तल खसेको प्रत्यक्ष दर्शीले जनाएका छन् ।
दुर्घटना दिउँसो झण्डै ३ः३० बजेको समयमा भएको जिल्ला प्रहरी कार्यालय प्यूठानका प्रहरी नायव उपरिक्षक सुवास खड्काले बताए ।
प्रहरी नायव उपरिक्षक खड्का अनुसार कारमा दुई पुरुष, दुई महिला र ४ जना बालक गरी ८ जना सवार रहेका थिए ।
उनिहरुको अहिले उद्दार गरी प्यूठानको विजुवार अस्पताल पठाईएको छ ।
घाईतेहरुको परिचय नखुलेको र सवैको अवस्था चिन्ताजनक रहेको बताईएको छ ।
