आज देखि नयाँ नोट साट्न सुरु, बैंकहरुमा नोट साट्नेको भिड

नेपाल राष्ट्र बैंकले बडा दशैंलाई लक्षित गर्दै सोमबार (आज) देखि नयाँ नोट साट्न सुरु गरेको छ । राष्ट्र बैंकको केन्द्रीय कार्यालय बालुवाटारबाट नयाँ नोट साट्न सुरु गरे पछि त्यहाँ नोट साट्नेको लाम लागेको छ ।

नयाँ नोट साट्न एक जनाले पाँच, दश, बिस, पचास र सय रुपियाँको १८ हजार पाँचसय सम्म मात्र साट्न पाउँने सुविधा छ ।
यसका लागि झण्डै १० अर्ब रुपियाँको नयाँ नोट छापिएको राष्ट्रि बैंक श्रोतले जनाएको छ ।

त्यस्तै उपत्यका बाहिरकालागि राष्ट्रि बैंकको प्रादेशिक कार्यालय वा बाणिज्य बैंकका शाखा कार्यालयहरुबाट नयाँ नोट सटहीको व्यवस्था मिलाईएको पनि राष्ट्र बैंकले जनाएको छ ।