बैतडीको पुर्चौंडी नगरपालिकामा १३ जनाको ज्यान जाने गरी भएको बस दुर्घटना प्रति नेपाली काँग्रेसका सभापति गगन थापाले दुःख व्यक्त गरेका छन् ।
सभापति थापाले शुक्रबार एक शोक विज्ञप्ति प्रकाशित गर्दै दुर्घटनाको खवरले आफुलाई मर्माहत तुल्याएको बताएकाम छन् ।
यो पीडादायी घडीमा मृतकहरूप्रति भावपूर्ण श्रद्धाञ्जलि अर्पण गर्दै आत्माको चिरशान्तिको कामना र शोकाकूल परिवारजनमा पार्टी तथा आफ्नो व्यक्तिगत तर्फबाट गहिरो समवेदना व्यक्त गरेका छन् ।
साथै सभापति थापाले घाइतेहरूको शीघ्र स्वास्थ्यलाभको कामना गर्दै उचित उपचारको प्रबन्ध मिलाउन सरकारसँग आग्रह समेत गरेकाा छन् ।
बिहिबार साँझ जन्ती बोकेको बस नगरपालिको ७ भवनेबाट बझाङतर्फ गइरहेको सुप प्र ०२ ००१ ख १११९ नम्बरको बस पुर्चौंडी–७ बडगाउँ मोडमा दुर्घटना हुँदा १३ जनाको ज्यान गएको छ भने ३४ जना घाइते भएका छन् ।
घाईतेहरुको डडेल्धुरा, बझाङ तथा घनगढीका बिभिन्न अस्पतालमा उपचार भईरहेको प्रहरीले जनाएको छ ।
न्यूज समय
२३ माघ, २०८२, शुक्रबार ००:००