काठमाडौं, सहिद गङ्गालाल राष्ट्रिय हृदयरोग केन्द्रमार्फत १५ वर्ष मुनिका विपन्न परिवारका बालबालिकाको निःशुल्क मुटुको उपचार हुने भएको छ ।
सहिद गङ्गालाल राष्ट्रिय हृदयरोग केन्द्रका अध्यक्ष समेत रहेका स्वास्थ्य तथा जनसङ्ख्या मन्त्री प्रदीप पौडेलले सहिद गङ्गालाल राष्ट्रिय हृदयरोग केन्द्रमार्फत १५ वर्ष मुनिका विपन्न परिवारका बालबालिकाको मुटु उपचार निःशुल्क गर्ने निर्णय गरेका छन् ।
सहिद गङ्गालाल राष्ट्रिय हृदयरोग केन्द्रका कार्यकारी निर्देशक रवि मल्लले आर्थिक अभावमा कोही बालबालिकाको उपचार नरोकिने गरी आन्तरिक र अन्य स्रोतबाट निःशुल्क उपचार गराउने निर्णय भएको बताए ।
हाल स्वास्थ्य तथा जनसङ्ख्या मन्त्रालयले केन्द्रलाई पाँच सय बालबालिकाको शल्यक्रियासहितको मुटु उपचारका लागि प्रति बालबालिका दुई लाख ५० हजार सहायता दिँदै आएको छ ।
अहिले केन्द्रमा उपचार लिनेको सङ्ख्या बढिरहेको हुन्दा केन्द्रले त्यसमा आन्तरिक स्रोतसमेत थप गरेर सेवा दिने निर्णय भएको निर्देशक मल्लले जानकारी दिए ।
नेपालमा एक हजार बालबालिकामध्ये ८ देखि १० जनामा मुटु सम्बन्धी समस्या देखिने गरेको एक अध्ययनले देखाएको छ ।
न्यूज समय
१३ चैत्र, २०८१, बुधबार ००:००