एनपिएलकै पहिलो सुपर ओभर खेलमा पोखरा संग १३ रनले हार्यो बिराटनगर
जारी नेपाल प्रिमियर लिग (एनपिएल) अन्र्तगतको आजको खेलमा विराटनगर किङ्ग्स पोखरा एभेन्जर्ससँग सुपर ओभरमा १३ रनले पराजित भएको छ ।
रोमाञ्चक खेलको सुपर ओभरमा पोखराका लागि रेमन रेफरले १७ र एन्ड्रिस गौसले एक रन बनाएका थिए ।
त्यसको जवाफमा पाँच रन बनाएको विराटनगरका लागि मार्टिन गुप्टिल र निकोलश किर्तनले दुई दुई रन बनाएका थिए । त्यसमा विराटनगरले थप अतिरिक्त एक रन पाएको थियो ।
कुशल भुर्तेलको कप्तानीमा रहेको पोखरासँग हार खेपेपछि विराटनगरको प्ले अफ पुग्ने सम्भावना कमजोर बनेको छ ।
पाँचौँ खेलमा दोस्रो जित निकालेको पोखराको चार अङ्क पुर्याएको छ । भने समान खेलमा चौथो हार खेपेको विराटनगरको दुई अङ्कमा सिमित छ ।
कीर्तिपुरस्थित त्रिवि क्रिकेट मैदानमा बिहीबार बिहान जितका लागि एक सय ४० रनको लक्ष्य पछ्याएको पोखारले निर्धारित २० ओभरमा ६ विकेटको क्षतिमा एक सय ३९ नै रन बनाएपछि खेल सुपर ओभरमा गएको थियो । जारी यो खेल एनपिएलकै पहिलो सुपर ओभर खेल बन्यो ।
यसअघि टस जितेर पहिले ब्याटिङ गरेको विराटनगरले निर्धारित २० ओभरमा सात विकेटको क्षतिमा एक सय ३९ रन बनाएको थियो ।
