गमगढी बजारमा मध्यरातमा आगोको लप्का
हिमाली जिल्ला मुगु सदरमुकाम गमगढी शुक्रबार मध्यरातमा भीषण आगलागी भएको छ । आगलागीमा बजारका ८ घर जलेका छन् ।
शुक्रबार रात १ बजे बजारमा आगो लाग्न सुरु भएको जिल्ला प्रहरीले जनाएको छ । आगो बिहान साढे चार बजेमात्र स्थानीयवासी, प्रहरी प्रशासनको प्रयासमा लिन सम्भव भएको थियो ।
प्रहरी स्रोतका अनुसार आगोले बजारका ८ वटा घर पूर्णरुपमा जलेर क्षति भएको छ । आगलागीमा मानवीय क्षति नभएको तर ठूलो मात्रामा धनमाल जलेर नष्ट भएको छ ।
जलेका घरमा कम्प्युटर पसल, मोवाइल पसल, होटेल, सैलुन, ग्याँस सिलिण्डर पसल थिए । आगोले गरेको क्षतिबारे पूर्ण विवरण भने आइसकेको छैन ।
