आदिवासी दिवसमा कोशी प्रदेश बिदा
विश्व आदिवासी तथा जनजाति दिवसको अवसरमा आज कोशी प्रदेशले सार्वजनिक बिदा दिएको छ । आज बुधबार अगष्ट ९ का दिन विश्व आदिवासी दिवसमा प्रदेश सरकारले बिदा दिएको हो ।
अन्तर्राष्ट्रिय आदिवासी जनजाति दिवसको मान्यता दिएको भन्दै प्रदेशका आदिवासीको भावनालाई सम्बोधन गरेर बिदा दिएको प्रदेश सरकारले सूचना जारी गरेको छ।
कोशी प्रदेश आन्तरिक मामिला तथा कानुन मन्त्रालयले बिदाको जानकारी दिएको हो। प्रदेश सरकारले दिएको बिदा संघीय सरकार मातहतका निकायमा पनि लागू हुने आन्तरिक मामिला तथा कानून मन्त्रालयले जनाएको छ।
