जुम्लाको गुठीचौरका स्थानीयका घरमा अज्ञात समूहद्धारा आगजनी
जुम्लाको गुठीचौर गाउँपालिकाका सातवटा घरमा अज्ञात समूहले आगो लगाएको छ। गाउँपालिकाको वडा नम्बर ४ मा गएराति १० बजेदेखि १२ बजेसम्मको समयमा आगजनी गरिएको हो। जिल्ला प्रहरी कार्यालयका प्रहरी निरीक्षक धर्मराज जोशीले गएराति आगलागी भएको खबर पाएपछि प्रहरीको टोली घटनास्थलतर्फ पठाइएको छ ।
अगाजनीबाट पाँचदेखि सातवटासम्म घरमा आगलागीबाट आशिंक रुपमा क्षति पुगेको जिल्ला प्रहरी कार्यालयले जनाएको छ । शुक्रबार राति १० बजेदेखि १२ बजेको समयमा अज्ञात समूहद्धारा आगो लगाएको भन्ने खबर प्रहरीलाई आएको थियो। आगो कसैको घरको ढोकामा, झ्यालमा लगाइएको प्रहरीले जनाएको छ ।
प्रहरीका अनुसार आगजनी कसले र किन गर्यो भन्ने विषय अहिलेसम्म खुलेको छैन। आगजनी एउटै गाउँमा नभई विभिन्न गाउँका घरमा भएको प्रहरीले जनाएको छ।
