धनुषामा हिरासत कक्षको पर्खाल फोडेर ६ थुनुवा फरार

धनुषा स्थित इलाका प्रहरी कार्यालय महेन्द्रनगरको हिरासत कक्षबाट ६ जना थुनुवाहरु फरार भएका छन् ।
लागुऔषध तथा हातहतियार लगाएतका आरोपमा समातिएका ७ जन मध्य ६ जना थुनुवा सोमबार बिहान झण्डै ३ बजेको समयमा प्रहरी कार्यालयको हिरासतको पर्खाल फोडेर फरार भएका हुन् ।
फरार हुनेहरुमा विनोद कुमार शर्मा, अमित मण्डल, रोशन यादव, हसिम सिंह, रोशन महतो र शंखर सिंह रहेको जिल्ला प्रहरी कार्यालय धनुषाले जनाएको छ ।
थुनुवाहरु फरार भएको इलाका प्रहरी कार्यालय महेन्द्र नगरका ईन्चार्जमा प्रहरी निरिक्ष वेचन यादव रहेका छन् । यादव यस अघि विभिन्न घटनामा विवदित बनेका बताईएको छ ।
फरारहरुको बिशेष प्रहरीको टोलि खटाएर खोजि थालिएको जिल्ला प्रहरी कार्यालय धनुषाका प्रहरी उपरिक्षक विश्वराज खड्काले बताए ।
साथै घटनाको समिति गठन गरी छानविन गरिने पनि उपरिक्षक खड्काले बताए ।