ओलीले संविधानमा भ्वाङ पारे : झलनाथ खनाल
नेकपाका वरिष्ठ नेता तथा पूर्वप्रधानमन्त्री झलनाथ खनालले प्रधानमन्त्री केपी शर्मा ओलीले संविधानमा भ्वाङ पारेको आरोप लगाएका छन् ।
पुष्पकमल दाहाल–मावधकुमार नेपाल नेतृत्वको नेकपाले संसद विघटनविरुद्ध गरेको प्रदर्शन अन्तर्गत आज काठमाडौंमा आयोजित विरोधसभामा वरिष्ठ नेता खनालले ओलीले संविधानमा हुँदै नभएको अधिकार प्रयोग गरेर लोकतन्त्र समाप्त पार्न लागेको बताए ।
उनले आफैंले बनाएको संविधानको प्रावधान पनि हेक्का नराखेर मुलुकलाई निरंकुशतातर्फ लैजाने प्रपन्च ओलीले गरेको आरोप लगाए ।
