सुदुरपश्चिममा विहानैदेखि हल्का वर्षा, अन्य केही भूभागमा पनि वर्षा र हिमपातको सम्भावना

काठमाडौँ । सुदूरपश्चिम प्रदेशका एकदुई स्थानमा आज विहानैदेखि हल्का वर्षा भइरहेको छ । जल तथा मौसम विज्ञान विभागका अनुसार बिहान कर्णाली र सुदूरपश्चिम प्रदेशमा आंशिकदेखि साधारणतया बदली रहेको छ ।

विभागका अनुसार दिउँसो सुदूरपश्चिम प्रदेशका एकदुई स्थानमा हल्का वर्षाको सम्भावना रहेको छ । लुम्बिनी प्रदेशमा आंशिक बदली रही बाँकी भूभागमा मौसम मूख्यतया सफा छ । देशका केही भूभागमा आज वर्षा र हिमपातको सम्भावना रहेको छ ।

धेरै भूभागमा भने मौसम बदलीदेखि सामान्यतया सफा रहनेछ । कोसी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना छ । हाल नेपालमा पश्चिमी न्यूनचापीय प्रणालीको आंशिक प्रभाव रहेको छ ।