नेपाली कांग्रेसको १५ औँ महाधिवेशन आयोजक समितिका संयोजक डा शशांक कोइरालाले सर्वमान्य नेता तथा लौहपुरुष गणेशमान सिंहको जीवन आज पनि हामी सबैका लागि प्रेरणाको उज्यालो दीप बनेर रहेको बताएका छन् ।
सिंहको २९औँ पुण्यतिथिका अवसरमा समाजिक स्ंजालमार्फत श्रद्धासुमन व्यक्त गर्दै उनले लोकतन्त्र, नागरिक स्वतन्त्रता र जनताको अधिकारका लागि आफ्नो सम्पूर्ण जीवन समर्पित गर्नुभएका गणेशमान सिंह नेपाली राजनीतिक इतिहासका एक युगपुरुष भएको उल्लेख गरेका छन् ।
उनले फेसबुकमा लेखेका छन् – ‘सत्ता र पदभन्दा माथि उठेर सिद्धान्त, त्याग, साहस र नैतिकताको उदाहरण प्रस्तुत गर्नुभएको उहाँको जीवन आज पनि हामी सबैका लागि प्रेरणाको उज्यालो दीप बनेर रहेको छ।’
डा कोइरालाले राष्ट्र र लोकतन्त्रप्रतिको सिंहको अटुट प्रतिबद्धता, सङ्घर्षशीलता र जनताप्रतिको समर्पण भावलाई स्मरण गर्दै सिंहले देखाएको मार्गमा अघि बढ्नु नै सच्चा श्रद्धाञ्जली हुने बताएका छन् ।
न्यूज समय
२ आश्विन, २०८३, शुक्रबार १०:४४