निर्वाचन आयोगले आगामी फागुन २१ गते हुने प्रतिनिधिसभा सदस्यको निर्वाचनका लागि दल दर्ता गर्ने अन्तिम समय आज १० गते सम्मकालागि तोकेको छ ।
मंसिर १ गते खोलिएको दल दर्ताको समयमा मंगलबार सम्म ८० वटा दलले आयोगमा निर्वाचनमा सहभागीता जनाउन दल दर्ता गरिसकेका छन् ।
आयोगको सूचना अनुसार पहिलो हुने निर्वाचित हुने निर्वाचन प्रणाली तर्फको निर्वाचन कार्यक्रम अनुसार आगामी ६ माघमा उम्मेदवारको मनोनयन पत्र दर्ताको समय तोकिएको छ ।
त्यस्तै सोही दिन बेलुका उम्मेदवारको सूची प्रकाशन हुने एवं मनोनयन पत्र दर्ता भएका उम्मेदवारको विरोधमा उजुरी दिने दिन ७ माघमा हुने आयोगले जनाएको छ ।
त्यस्तै ८ माघमा मनोनयन पत्र र उजुरी उपर जाँचबुझ गर्ने तथा पुनः उम्मेदवारको नामावली प्रकाशन गरिनेछ तालिका रहेको छ ।
त्यस्तै माघ ९ मा उम्मेदवारको नाम फिर्ता लिन सक्नेछन् भने सोही उम्मेदवारको अन्तिम नामावली प्रकाशन हुने र उम्मेदवारलाई निर्वाचन चिह्न प्रदान गरिने पनि आयोगले जनाएको छ ।
बुधबार आज सम्ममात्र आयोगमा दर्ता भएका दलले फागुन २१ गते हुने निर्वाचनमा भाग लिन पाउँनेछन् ।
न्यूज समय
१० मंसिर, २०८२, बुधबार ००:००