जेनजी प्रदर्शनका क्रममा काठमाडौंमा घाइते भएकाहरूको वर्गीकरण गरिएको छ ।
गत भदौ २३-२४ गते भएको आन्दोलनका क्रममा घाईते भएका प्राप्त १६९ जनाको वर्गीकरण गरिएको जिल्ला प्रशासन कार्यालय काठमाडौंले जनाएको छ ।
जिल्ला प्रशासन कार्यालय काठमाडौंका अनुसार अतिगम्भीर घाइतेको सूचीमा १५, गम्भीर घाइतेको सूचीमा ५१, मध्यममा ३६ र सामान्य घाइतेको सूचीमा ६७ जना गरी चार समुहमा बर्गिकरण गरिएको छ ।
यही मङ्सिर ५ गते र १२ गते दुई चरणमा छलफल गरी घाइतेहरूको र असक्तहरूको हकमा भने उपचाररत अस्पतालमा गएर टोलीले वर्गीकरण गरिएको जिल्ला प्रशासन कार्यालय काठमाडौंका सहायक प्रमुख जिल्ला अधिकारी एवं सहायक प्रवक्ता मुक्तिराम रिजालले जानकारी दिए ।
यसरी वर्गीकरण गरिएकाहरुको स्वास्थ्य तथा जनसङ्ख्या मन्त्रालयलाई सिफारिस पठाउने र सोही आधारमा मन्त्रालयले निर्णय गरी घाइतेहरूको सूची अनुसार आवश्यक सेवा सुविधा र सामाजिक सुरक्षाको व्यवस्था मिलाउने व्यवस्थाहुने पनि प्रवक्ता रिजालले बताए ।
न्यूज समय
१४ मंसिर, २०८२, आईतबार ००:००