दशैंलाई लक्षित गरी नेपाल राष्ट्र बैंकले यही भदौ २९ देखि सुनिला नोट साट्ने व्यवस्था मिलाएको छ । नेपाल राष्ट्र बैंकले आईतबार एक सूचना जारी गर्दै आउँदौ दशैंलाई लक्षित गरेर यहि भदौ २९ गते देखी असोज १० गते सम्म सुकिला नोट साट्ने व्यवस्था मिलाएको जनाएको छ ।
सर्वसाधारणका लागि मिलाईएको यो व्यवस्था अनुसार “नेपाल राष्ट्र बैंकको मुद्रा व्यवस्थापन विभाग र प्रदेशस्थित कार्यालयहरु (विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढी) बाट सुकिला नोट साट्न पाईने छ ।
चाडपर्वका बेला रु. पाँच, १०, २०, ५० र १०० दरका नोटको माग अधिक हुने गरेकाले यस्तो व्यवस्था मिलाईएको राष्ट्र बैंकले जनाएको छ ।
त्यस्तै अन्य बैंक तथा वित्तीय संस्थाका शाखा कार्यालयहरुबाट पनि सुकिला नोट साट्ने व्यवस्था मिलाइएको पनि राष्ट्र बैंकले सूचनामार्फत जनाएको छ ।
यस बर्ष दशैंकालागि नयाँ नोट छपाईं कार्य नभएकाले बजारमा रहेका पुराना झुत्रा नोटलाई खिचेर सुकिला नोट पठाएको र सोही सुकिला नोटलाई सटहिको व्यवस्था मिलाईएको हो ।
बिशेष गरी दशैंमा टीका लागाएर दक्षिणाका रुपमा नयाँ नोट दिदा खुसी, हर्ष र उमंग बढने भएकाले राष्ट्र बैंकले नयाँ नोट छपाईं गरी सर्वसाधारणका लागि सटहीको व्यवस्था मिलाउँदै आएको थियो ।
तर नयाँ नोट छाप्दा राज्यकोषको खर्चभार वढ्ने भएकाले नयाँ नोट नछापी सुकिला नोट सटहीको व्यवस्था मिलाएको राष्ट्र बैंकले जनाएको छ ।
नोटलाई सुरक्षितका साथ प्रयोग गर्न पनि राष्ट्र बैंकले सवैमा आग्रह गरेको छ ।
न्यूज समय
१५ भाद्र, २०८२, आईतबार ००:००