दुई किलो सुन र २४ लाख रुपैयाँ नगदसहित दुईजना चिनियाँ नागरिक पक्राउ

ठमेलबाट दुई किलो सुन र २४ लाख रुपैयाँ नगदसहित दुईजना चिनियाँ नागरिक पक्राउ परेका छन् । ठमेलको ज्याठास्थित एक होटेलबाट उनीहरू पक्राउ परेका हुन् ।

विशेष सूचनाको आधारमा उनीहरू पक्राउ परेको उपत्यका अपराध अनुसन्धान कार्यालयले जनाएको छ ।

पक्राउ परेकामाथि थप अनुसन्धान भइरहेको छ । पक्राउ पर्नेहरूमा चुनलिङ र समेचुङ छन् । उनीहरू एकजना पुरुष र एक महिला हुन् ।