नेपाल अमेरीका पत्रकार संघ (नेजा)को हालै सम्पन्न अधिवेशनबाट सुरज भण्डारीको अध्यक्षतामा १७ सदस्यीय नयाँ कार्यसमिति चयन भएको छ ।
अमेरीकाको लास भेगसमा सम्पन्न निर्वाचनबाट नेतृत्वमा आउनेहरुमा कार्यसमिति सदस्यमा सुरज पण्डित र बाबुराम दाहाल, उपाध्यक्षमा कल्पना घिमिरे, महासचिवमा इश्वरी न्यौपाने, कोषाध्यक्षमा झरणा अधिकारी, सचिवमा शंकर बहादुर थापा रहेका छन् ।
त्यस्तै सदस्यमा डिल्ली बहादुर रावत, दिपेन्द्र खड्का, जानु पंगेनी, यसोदा तिम्सिना, राजकुमार तामाङ (गोले), डोल्मा लामा निर्वाचित भएका छन् ।
निर्वानबाट क्षेत्रिय संयोजकहरुमा डिसी मेट्रोमा सृजना काफ्ले, उत्तर पूर्वमा शान्तिराज राई, पश्चिममा दिपक दाहाल, मध्यमा ओम आचार्य निर्वाचित भएको निर्वाचन समितिले जनाएको छ ।
नेजाको कार्य समितिमा ८ जना सदस्य निर्वाचित हुने व्यवस्था अन्तरगत दुई जना सदस्यलाई वरियतामा उपाध्यक्ष भन्दा माथि र अध्यक्ष भन्दा मुनिको मर्यादा दिने व्यवस्था गरेको छ ।
यो प्रयास नौलो रहेको निर्वाचित कार्यसमिति सदस्य डिल्ली बहादुर रावतले बताए । रावत तेस्रोआँखा डटकमका ग्लोबल एडिटर पनि हुन् ।
अधिवेशनमा भागलिन नेपाल पत्रकार महासंघकी अध्यक्ष निर्मला शर्मा त्यहाँ पुगेकी थिईन् ।
न्यूज समय
३ जेष्ठ, २०८२, शुक्रबार ००:००