काठमाडौं महानगरपालिकाका प्रमुख प्रशासकीय अधिकृत सरोजप्रसाद गुरागाईले आफ्नो कार्यकक्ष प्रवेश गरेर हाजिर गरेका छन् । उनलाई महानगरका कर्मचारीहरुले नै आज कार्यकक्षमा प्रवेश गराएर हाजिर गराउने तयारी गरेका थिए ।
कर्मचारीहरुले प्रमुख प्रशासकीय अधिकृत नहुँदा आफूहरुले ५ महिनादेखि तलब नपाएको र कामकाज रोकिएको भन्दै उनलाई आज कार्यकक्ष प्रवेश गराएर हाजिर गराउने तयारी गरेका थिए ।
कर्मचारीहरुको तयारी थाहा पाएपछि मेयर बालेन शाहले गुरागाईलाई रोक्न नगर प्रहरी परिचालन गरेका थिए । कर्मचारी र नगर प्रहरीबीच महानगरको गेटमा केहीबेर तनाव भएको थियो । अन्ततः कर्मचारीहरुले नै उनलाई कार्यकक्ष प्रवेश गराए । उनलाई कर्मचारीहरूले नै सुरक्षा दिएर कार्यकक्षसम्म पु¥याएका हुन् ।
कार्यकक्ष प्रवेश गरेसँगै गुरागाईले हाजिरीसमेत गरेका छन् । कर्मचारीहरूले उनको कार्यकक्षमा लगाइएको ताला फुटाएरै प्रमुख प्रशासकीय अधिकृत गुरागाईंलाई कार्यकक्षमा पु¥याएका हुन् । गुरागाईंलाई रोक्न मेयर बालेन शाहले गुरागाईंको कार्यकक्षसमेत बन्द राख्न लगाएका थिए । कर्मचारीले कार्यकक्षको ताला फुटाइदिएका हुन् ।
न्यूज समय
२१ चैत्र, २०८१, बिहीबार ००:००