क्यानडाका प्रधानमन्त्री मार्क कार्नीले अमेरिकासँगको क्यानडाको पुरानो सम्बन्ध सकिएको टिप्पणी गरेका छन् । उनले अमेरिकासँग क्यानडाको अर्थव्यवस्था, सुरक्षा तथा सैन्य सहयोग जस्तो पुरानो सम्बन्ध अब समाप्त भएको बताए । अमेरिकी राष्ट्रपति डोनाल्ड ट्रम्पले कर लगाउने निर्णय गरेपछि क्यानडेलीहरूले आफ्नो अर्थव्यवस्थाका बारेमा पुनः सोच्नुपर्ने अवस्था आएको उनले बताए ।
साथै उनले क्यानडाले पनि अमेरिकी सामानमाथि कर लगाएर जवाफ दिने बताएका छन् । यसले अमेरिकालाई पनि प्रभावित पार्ने उनको भनाइ छ । ट्रम्पले बुधबार आयात गरिने सवारीसाधन र तिनीहरूका पार्ट्समा २५ प्रतिशत कर लगाउने घोषणा गरेका थिए । त्यस्तो कर स्थायी हुने पनि ट्रम्पको भनाइ थियो ।
कार्नीले सन् १९६५ मा क्यानडा र अमेरिकाबीच भएको अटोमोटिभ प्रोडक्ट्स एग्रिमेन्ट सम्झौता सबैभन्दा महत्त्वपूर्ण भएको बताएका छन् । तर, ट्रम्पले कर लगाएसँगै उक्त सम्झौता समाप्त भएको उनको भनाइ छ । यद्यपि कार्नीले ट्रम्पको कार्यालयबाट टेलिफोन वार्ताका लागि सेड्युल तयार पार्ने प्रस्ताव आएको बताएका छन् । छिटै नै दुई नेताबीच कुराकानी हुनसक्नेमा उनी आशावादी पनि देखिए
न्यूज समय
१५ चैत्र, २०८१, शुक्रबार ००:००