प्रधानन्यायाधीश प्रकाशमान सिंह राउतले प्रविधिमार्फत् हुने सुधारलाई निरन्तरता दिने र यसले न्याय क्षेत्रमा अनियमितता हटाउँदै सेवा सुविधालाई प्रभावकारी बनाउन मद्दत पुग्ने विश्वास व्यक्त गरेका छन् ।
सातै प्रदेशमा रहेका मुख्य न्यायाधिवक्ताको कार्यालयलाई पेसीको सूचना पठाउने अनलाइन प्रणालीको शुभारम्भ गर्दै उनले जसरी भएपनि न्याय क्षेत्रलाई सुधार गरेरै छाड्ने प्रतिवद्धता जनाए।
अदालतहरूको मुद्दा व्यवस्थापनलाई सरल,सहज र प्रभावकारी बनाउन सर्वोच्च अदालतले सूचना प्रविधिको प्रयोगमा जोड दिइरहेको उनले बताए।
उनले जिल्ला अदालतमा दर्ता हुने विशेष प्रकृतिको निवेदन दर्ता तथा व्यवस्थापन गर्ने अनलाइन प्रणालीको समेत सुरुवात गरे ।
यसबाट मुद्दाको सुनुवाई प्रक्रिया छिटो छरितो हुने तथा अदालतमा न्यून कागजात प्रयोग हुने निकायको रुपमा विकास हुने अपेक्षा गरिएको सर्वोच्चले जनाएको छ ।
न्यूज समय
१२ चैत्र, २०८१, मंगलबार ००:००